СКУПШТИНА ГОРОДУ

Скупштина найвисши орґан Городу хтори окончує основни функциї локалней власци яки утвердзени з Уставом, законом и Статутом Городу Нового Саду.

Скупштина Городу Нового Саду, у складзе зоз законом:

1) приноши Статут Городу и Дїловнїк Скупштини Городу;

2) приноши буджет Городу и прилапює закончуюци рахунок буджету Городу;

3) утвердзує стопи жридлових приходох Городу, як и висину локалних таксох и надополнєньох;

4) приноши акт у вязи з явним задлужованьом Городу, у складзе зоз законом;

5) подноши инициятиву за порушованє поступку снованя, утаргованя або пременки териториї Городу;

6) приноши програму розвою городу, плански документи явних политикох, штредньорочни плани и други плански документи, у складзе зоз законом;

7) приноши просторни план Городу и урбанистични плани;

8) приноши предписаня и други общи акти з компетенциї Городу;

9) формує орґани, орґанизациї, канцелариї и служби за потреби Городу, ушорює їх орґанизацию и обезпечує орґанизацийни, материялни и други условия за їх роботу;

10) прилапює Кадрови план;

11) розписує городски референдум и референдум на часци териториї Городу, вияшнює ше о предкладаньох хтори облапени у гражданскей инициятиви и утвердзує Предлог одлуки о самодоприносу;

12) вибера и розришує предсидателя и заменїка предсидателя Скупштини Городу;

13) поставя и розришує секретара и заменїка секретара Скупштини Городу;

14) вибера и розришує Городоначальнїка, и на предкладанє Городоначальнїка, вибера и розришує заменїка Городоначальнїка и членох Городскей ради;

15) поставя и розришує правобранїтеля Городу и заменїка правобранїтеля Городу, и розпатра и прилапює звит о роботи городского правобранїтеля;

16) вибера и розришує локалного омбудсмана и заменїка локалного омбудсмана, розпатра звит о роботи локалного омбудсмана;

17) блїжей ушорює положенє, овласценя, як и права и длужносци главного урбанисти, менує и розришує главного урбанисту и розпатра рочни звит главного урбанисти о стану у просторе;

18) ушорює обезпечованє и розполаганє зоз стварами у явней власносци Городу у складзе зоз законом;

19) одлучує о укладаню правох и стварох у явней власносци Городу до капиталу явного подприємства и дружтва капиталу чий снователь Город;

20) одлучує о обезпечованю и одцудзеню нєрухомосцох у явней власносци Городу, снованю гипотеки на нєрухомосцох у явней власносци Городу;

21) одлучує о преношеню права хаснованя на нєрухомосцох у явней власносци Городу, установох, явних аґенцийох и других орґанизацийох чий снователь Город;

22) приноши одлуку о преношеню права явней власносци Городу на рухомих стварох на другого ношителя явней власносци, уключуюци и черанку;

23) ушорює обезпечованє и одцудзенє квартельних будинкох и квартельох у явней власносци, як и критериюми и поступок їх даваня до закупу;

24) ушорює хаснованє дїловного простору хтори у явней власносци Городу, ушорює висину закупнїни дїловного простору кед у питаню инвестицийни проєкти велькей вредносци и окончує други роботи у вязи зоз хаснованьом дїловного простору, у складзе зоз законом и другима актами Городу;

25) приноши локалну квартельну стратеґию у складзе зоз Националну квартельну стратеґию, акцийни план за єй запровадзованє и програми квартельней потримовки, снує явну квартельну аґеницию у складзе зоз законом;

26) ушорює условия и способ поставяня и одстраньованя обєктох на явних поверхносцох и на нєвибудованей будовательней жеми, и ушорює условия за одстраньованє обєктох хтори представяю нєпостредну опасносц за живот и здравє людзох, за сушедни обєкти и безпечносц транспорту;

27) приноши рочну и штредньорочну програму ушорйованя будовательней жеми;

28) ушорює одцудзенє, обезпечованє и даванє до закупу будовательней жеми у явней власносци Городу и установює права службеносци на будовательней жеми у явней власносци Городу;

29) ушорює допринос за ушоренє будовательней жеми;

30) снує явни комунални подприємства и други явни подприємства и дружтва капиталу за окончованє дїялносци од общого интереса, приноши одлуку о їх преставаню у складзе зоз законом, окончує надпатрунок над їх роботу, менує и розришує надпатраюци одбор и директора явних комуналних и других явних подприємствох и дружтвох капиталу за окончованє дїялносци од общого интереса чий снователь Город, дава согласносц на статути, статусни пременки, одлуки о розподзельованю прибутку, односно способе покрица утрати, укладанє капиталу, акт о прецени вредносци державного капиталу, виказованє того капиталу у акцийох, як и на програму и одлуку о власнїцкей трансформациї, рочни програми дїлованя и други акти и дїї у складзе зоз законом и одлуками Скупштини Городу;

30) ушорює и обезпечує окончованє комуналних дїялносцох и їх розвой, права и обовязки вивершительох комуналних дїялносцох и хасновательох комуналних услугох, способ окончованя надпатрунку над окончованьом комуналней дїялносци, предписує общи условия отримованя комуналного порядку и мири за їх запровадзованє;

31) ушорює общи условия за ушоренє населєньох на териториї Городу, хаснованє явней и другей поверхносци;

32) приноши програми инвестицийних активносцох за явни комунални подприємства и дружтва капиталу за окончованє дїялносци од общого интереса, чий снователь Город;

33) розпатра и прилапює рочни звити о роботи явних комуналних и других явних подприємствох и дружтвох капиталу за окончованє дїялносци од общого интереса чий снователь Город и други звити о реализациї планох и програмох;

34) ушорює триманє и защиту домашнїх животиньох и хижних любимцох;

35) утвердзує програму отримованя обєктох драговей привреди;

36) ушорює орґанизацию и способ окончованя явного превоженя путнїкох хторе ше окончує на териториї Городу, ушорює катеґоризацию општинских драгох и улїцох, одредзує напрям, односно пременку напряму державней драги хтора преходзи през територию Городу, по предходно обезпеченей согласносци компетентного министерства;

37) ушорює условия и способ управяня з явнима паркинґами;

38) ушорює блїзши условия за окончованє такси-превоженя;

39) ушорює и обезпечує орґанизацию линийней плївби хтору ше окончує на териториї Городу;

40) одредзує часци побрежя и водного простору на териториї Городу на хторих мож будовац гидротехнїчни обєкти и поставяц плїваюци обєкти, по предходно обезпеченей согласносци компетентного министерства и овласценей правней особи за технїчне отримованє водних драгох;

41) снує явни аґенциї, приноши одлуку о їх преставаню, односно утаргованю у складзе зоз законом, менує и розришує управни одбор и директора, дава согласносц на акти и роботу явней аґенциї;

42) приноши програму и план енерґетскей ефикасносци и програму унапредзеня енерґетскей ефикасносци;

43) снує установи у обласци предшколского воспитаня и образованя, утвердзує мрежу предшколских установох, приноши одлуку о їх преставаню, односно утаргованю, менує и розришує членох управного одбору предшколскей установи, дава согласносц на статусни пременки и статут предшколскей установи у складзе зоз законом, и на пременку назви и шедзиска предшколскей установи хтора основана по моделу явно-приватного партнерства у складзе зоз законом, обезпечує средства за витворйованє дїялносци предшколскей установи и провадзи їх функционованє, средства за вибудов и капиталне отримованє будинкох и обєктох и їх опреманє, и утвердзує минимум процесу роботи у предшколскей установи под час штрайку;

44) снує основни школи и окончує сновательни права у складзе зоз законом, утвердзує мрежу основних школох, приноши одлуку о їх преставаню, односно утаргованю, дава согласносц на статусни пременки, менує и розришує членох школского одбору основних и штреднїх школох, обезпечує средства за вибудов и капиталне отримованє будинкох и обєктох основних и штреднїх школох, їх опреманє и други чечуци розходи;

45) снує и други установи у обласци образованя и окончує сновательни права у складзе зоз законом и ушорює условия и способ обезпечованя превоженя за дзеци и школярох;

46) снує установи хтори окончую здравствену дїялносц у складзе зоз Планом мрежи здравствених установох, обезпечує и провадзи їх функционованє, приноши одлуку о утаргованю, злучованю и подзелєню здравствених установох чий снователь Город, окончує сновательни права, менує и розришує управни и надпатраюци одбори и директорох установох хтори окончую здравствену дїялносц, дава согласносц на їх статути, програми роботи и други акти у складзе зоз законом;

47) прилапює анализу здравственого стану жительства и план явного здравя за територию Городу и приноши окремни програми здравственей защити и явного здравя, у складзе зоз законом;

48) снує установи у обласци социялней и дзецинскей защити, приноши одлуку о їх преставаню, односно утаргованю, провадзи и обезпечує їх функционованє, обезпечує средства за вибудов, добудов и опреманє и условия за роботу установи социялней и дзецинскей защити, ушорює витворйованє социялней защити и мири за ублажованє худобства, права на финансийну потримовку фамелиї з дзецми и реґресованє трошкох пребуваня дзецох з материялно загрожених фамелийох у предшколских установох, менує и розришує управни и надпатраюци одбор и директорох установох социялней и дзецинскей защити чий снователь Город, дава согласносц на їх статути, статусни пременки и рочни програми роботи;

49) снує установи защити културних доброх и други установи култури од значносци за Город и за припаднїкох националних заєднїцох, окончує надпатрунок над їх роботу, приноши одлуку о їх преставаню, односно утаргованю, обезпечує вибудов, реконструкцию и отримованє будинкох и обєктох установох култури чий снователь Город, обезпечує витворйованє програмох хтори од значносци за Город у установох култури, менує и розришує управни и надпатраюци одбор и директора установи култури, окрем директора библиотеки, хторого ше менує у складзе зоз законом, дава согласносц на їх статути, статусни пременки, програми роботи и други акти у складзе зоз законом;

50) обезпечує заштиту културних доброх на териториї Городу, розвой културней и уметнїцкей творчосци;

51) приноши акт о способе, мерадлох и критериюмох за софинансованє проєктох вибудови, отримованя и обнови вирских обєктох на териториї Городу;

52) снує установи у обласци спорта, окончує сновательни права у складзе зоз законом, провадзи и обезпечує їх функционованє, обезпечує вибудов, отримованє и хаснованє спортских обєктох, приноши одлуки о орґанизованю и отримованю спортских змаганьох од значносци за Город, обезпечує условия за унапредзенє фаховей роботи учашнїкох у системи спорта на териториї Городу, ушорює витворйованє потребох и интересох гражданох у обласци спорта у складзе зоз законом и приоритетами яки утвердзени зоз законом и приноши програму розвою спорта у складзе зоз националну стратеґию розвою спорта;

53) ушорює условия и способ додзельованя средствох з буджету Городу, односно одобреня проєктох за задовольованє потребох младих на териториї Городу и приноши акцийни плани за младих за запровадзованє стратеґиї за младих Републики Сербиї;

54) розпатра и прилапює рочни звити о роботи установох и других явних службох чий снователь Город и други звити о реализациї планох и програмох;

55) приноши мири и прилапює препоруки за унапредзенє людских и меншинских правох и ушорює финансованє националних совитох националних меншинох;

56) формує робни резерви и утвердзує їх обсяг и структуру;

57) приноши програми отримуюцого хаснованя и защити природних вредносцох и програму защити животного штредку, односно локални акцийни и санацийни плани, у складзе зоз стратеґийнима документами и интересами и специфичносцами Городу и утвердзує надополнєнє за защиту и унапредзенє животного штредку;

58) приноши акт о кладзеню под защиту одредзеного природного добра и обезпечує його защиту;

59) приноши план квалитету воздуху, програму защити природи и акцийни план защити од галайку;

60) розпатра и прилапює рочни звит о реализациї програми хаснованя средствох з буджетного фонду за защиту животного штредку;

61) приноши Стратеґию розвою польопривреди и руралного розвою и акцийни план за запровадзованє Стратеґиї розвою польопривреди и руралного розвою на териториї Городу;

62) приноши рочну програму защити, ушореня и хаснованя польопривредней жеми на териториї Городу, програму потримовки за запровадзованє польопривредней политики и политики руралного розвою на териториї Городу;

63) снує установи у обласци туризма, окончує сновательни права у складзе зоз законом, провадзи и обезпечує їх функционованє, приноши програму розвою туризма у складзе зоз стратеґию, утвердзує висину такси за пребуванє на териториї Городу;

64) предписує роботни час погосцительних, тарґовинских и ремеселских обєктох;

65) приноши одлуку о висини стопи амортизациї за яку ше зменшує вредносц нєрухомосци обовязнїка, хтори нє водзи дїловни кнїжки, хтора твори основку порциї на маєток;

66) приноши одлуку о одредзованю зонох и найопременшей зони на териториї Городу за потреби утвердзованя порциї на маєток;

67) дава согласносц же ше порцийну обовязку порцийного обовязнїка по єдинки локалней самоуправи моженамириц з конверзию поглєдованя жридлових приходох до тирвацого улогу Городу у капиталу порцийногообовязнїка;

68) одлучує о финансованю обробку податкох у вязи зоз надополнєньом за защиту и унапредзенє животного штредку на териториї Городу;

69) ушорює обласц зменшаня ризику од катастрофох и управяня з позарядовима ситуациями, орґанизацию и функционованє цивилней защити на териториї Городу, формує Городски штаб за позарядово ситуациї, розпатра и прилапює рочни план роботи и рочни звит о роботи Городского штабу за позарядово ситуациї, у складзе зоз законом;

70) ушорює и обезпечує условия за запровадзованє мирох защити од огня и даванє помоци при одстраньованю, односно ублажованю пошлїдкох яки спричинєл огень и приноши акти за унапредзенє стану защити од огня;

71) прилапює Етични кодекс справованя функционерох и кодекс справованя занятих у орґанох Городу и провадзи їх применьованє;

72) приноши локални акцийни план за борбу процив корупциї на уровню Городу и формує стаємне роботне цело за провадзенє запровадзованя локалного акцийного плану;

73) одлучує о даваю концесиї кед явни цела и предмет концесиї у компетенциї Городу и дава согласносц на концесийни акт;

74) дава согласносц и прилапює предлог проєкту явно-приватного партнерства, дава согласносц на нарис явного контракту у проєкту явно-приватного партнерства и дава овласценє за подписованє явного контракту у мено Городу;

75) дава думанє о републичним, покраїнским и реґионалним просторним плану;

76) дава думанє о законох з якима ше ушорює питаня од интереса за локалну самоуправу;

77) одлучує о сотруднїцтве и здружованю з єдинками локалней самоуправи, здруженями, гуманитарнима и другима орґанизациями;

78) одлучує о назвох улїцох, площох, городских квартох, валалчикох и других часцох населєних местох;

79) дава согласносц на хаснованє мена, гербу и другого означеня Городу;

80) орґанизує службу правней помоци гражданом;

82) формує комуналну полицию;

83) менує виберанкову комисию за запровадзованє виберанкох за одборнїкох Скупштини Городу, у складзе зоз законом;

84) окончує и други роботи яки утвердзени зоз законом и тим статутом.

Предсидатель Скупштини Городу Нового Саду:

– орґанизує роботу Скупштини Городу, зволує и предшеда на єй схадзкох, предклада дньови шор схадзки;

– стара ше о витворйованю явносци роботи Скупштини Городу;

– подписує акти хтори принєсла Скупштина Городу;

– окончує други роботи яки предвидзени зоз законом, Статутом Городу Нового Саду и Дїловнїком Скупштини Городу.

Заменїк предсидателя Скупштини Городу Нового Саду:

– заменює предсидателя у случаю його одсутносци або зопартосци же би окончовал свойо длужносци.

Скупштина Городу Нового Саду ма секретара и заменїка секретара Скупштини Городу.

Секретар Скупштини Городу Нового Саду

– стара ше о окончованю фахових роботох у вязи зоз зволованьом и отримованьом схадзкох Скупштини Городу и єй роботних целох, руководзи з административнима роботами у вязи з їх роботу и помага предсидательови и заменїкови предсидателя Скупштини Городу у пририхтованю схадзкох и витворйованю їх функцийох.

Заменїк секретара Скупштини Городу Нового Саду помага секретарови у окончованю роботох з його дїлокругу и заменює го у случаю його одсутносци або дочасней зопартосци же би окончовал свойо роботи.

Положенє и овласценя Скупштини Городу Нового Саду, предсидателя Скупштини Городу Нового Саду, заменїка предсидателя, секретара Скупштини Скупштини Городу Нового Саду и заменїка секретара утвердзени зоз Законом о локалней самоуправи („Службени глашнїк РС“, число 129/2007, 83/2014 – др. закон), Статутом Городу Нового Саду („Службени новини Городу Нового Саду“, число 11/2002) и Дїловнїком Скупштини Городу Нового Саду („Службени новини Городу Нового Саду“, число 3/2005 и 4/2005).

Зоз Одлуку о Служби Скупштини Городу Нового Саду („Службени новини Городу Нового Саду“, число 4/2005), формована Служба Скупштини Городу Нового Саду.

Служба Скупштини Городу Нового Саду окончує фахови и други роботи за потреби Скупштини Городу Нового Саду, єй стаємних роботних целох, односно совитох и комисийох, одборнїкох, одборнїцких ґрупох, як и одредзени роботи за потреби Городскей виберанковей комисиї.

У Служби Скупштини формовани основни нукашнї єдинки:

– Сектор за скупштински роботи,

– Кабинет предсидателя Скупштини Городу, и

– Сектор за информованє.

Зоз Службу Скупштини руководзи секретар Скупштини Городу Нового Саду.