Гoрод Нови Сад, як єдинка локалней самоуправи у Републики Сербиї, запровадзує и отримує сотруднїцтво з єдинками локалних самоуправох у жеми и иножемстве, у складзе зоз Законом о локалней самоуправи и Статутом Городу Нового Саду. Єдинки локалней самоуправи можу сотрудзовац з єдинками локалней самоуправи других державох, у рамикох вонкашнєй политики Републики Сербиї, зоз почитованьом териториялного єдинства и правного порядку Републики Сербиї, у складзе з Уставом и законом. Одлуку о запровадзованю сотруднїцтва, односно заключованю спорозуменя о сотруднїцтве з єдинку локалней самоуправи другей держави, приноши скупштина єдинки локалней самоуправи, зоз согласносцу Влади.

Як традицийно отворени город чийо жителє припаднїки 26 рижних националних заєднїцох, Нови Сад свой идентитет снує на богатстве рижнородносци хторе фундаментни камень його историйого и културного скарбу. Пестуюци одношеня сотруднїцтва нє лєм з городами у найблїзшим окруженю, Нови Сад през децениї запровадзел и пестовал приятельски одношеня з численима городами у иножемстве, нєпреривно преширююци мрежу своїх приятельох хтори свою вирносц тому приятельству указовали и у найчежших периодох през хтори город преходзел у своєй новшей историї.

У зависносци од обласци од медзисобного интереса, як и блїзкосци и ступня розвитосци одношеня сотруднїцтва, Город ма подписани спорозуменя о братименю або сотруднїцтве з тима городами и мрежами:

БРАТИМЕНЄ

  • Mодена, Италия

Грамота о братименю подписана у Модени, 7. априла 1964. року (подписали ю Младен Чомич, предсидатель Скупштини срезу Нови Сад и Виторио Морсели, предсидатель Административней управи Провинциї Модена).

Спорозуменє о дальшим сотруднїцтве провинциї и городу Модени и Нового Саду, подписане 17. марца 1984. року, а подписали го Марио дел Монте, городоначальнїк Модени и Здравко Мутин, предсидатель Скупштини Городу Нового Саду.

Економска черанка и проєкти, туризем, комунални инфраструктурни системи, дзвиганє капацитетох општинскей орґанизациї и управи, културни програми и манифестациї, спорт, гуманитарна помоц.

  • Чанґчун, Китай

Грамота о братименю подписана 10. новембра 1981. року, а подписал ю Йован Деянович предсидатель Скупштини Городу Нового Саду.

Економска черанка и проєкти, образовни програми, здравство, културни програми и манифестациї.

  • Дортмунд, Нємецка

Грамота о братименю подписана 1982. року, а подписали ю Ґинтер Замтлебе, городоначальнїк Дортмунду и Бранислав Миндич, предсидатель Скупштини Городу Нового Саду.

Економска черанка и проєкти, туризем, спорт, здравство, културни програми и манифестациї, школи, образовни програми, дзвиганє капацитетох општинскей орґанизациї и управи.

  • Норич, Анґлия

Грамота о братименю подписана 1989. року, а подписали ю Давид Фулман, городоначальнїк Норичу и Влада Попович, предсидатель Скупштини Городу Нового Саду.

Школи, образовни програми, урбанизем, комунални инфраструктурни системи, здравство, социялна защита, спорт, културни програми и манифестациї, гуманитарна помоц.

  • Илиуполи (Атинска општина) Греческа

Грамота о братименю подписана 28. мая 1994. року, а подписали ю мр Теодорос Ґеорґакис, городоначальнїк атинскей општини Илиуполи и Милорад Мирчич, предсидатель Скупштини Городу Нового Саду.

Културни програми и манифестациї, спорт, гуманитарна помоц.

  • Будва, Чарна Гора

Грамота о братименю подписана 1996. року, а подписали ю Жарко Микович, предсидатель Скупштини Општини Будви и Дюро Баїч, предсидатель Скупштини Городу Нового Саду.

Економска черанка и проєкти, спорт, школи, образовни програми, културни програми и манифестациї.

  • Темишвар, Румуния

Грамота о братименю подписана 3. авґуста 2005. року, а подписали ю мр Ґеорґе Чуханду, городоначальнїк Городу Темишвар и Мая Ґойкович, городоначальнїк Городу Нового Саду.

Економска черанка и проєкти, културни програми и манифестациї.

  • Нижнї Новгород, Русийска федерация

Грамота о братименю подписана 18. априла 2006. року, а подписали ю Булавинов Вадим Євґениєвич, городоначальнїк Нїжнього новгороду и Мая Ґойкович, городоначальнїк Нового Саду.

Дзивганє капацитетох општинскей орґанизациї и управи, економска черанка и проєкти, здравство, туризем, спорт, образовни програми, културни програми и манифестациї.

  • Печуй, Мадярска

Спорозуменє о братименю городох Печую и Нового Саду подписане на шветочносци 13. юлия 2009. року у Новим Садзе. Спорозуменє подписали городоначальнїки Нового Саду Иґор Павличич и Печую, др Пава Жолт.

Спорозуменє о партнерским сотруднїцтве: Спорозуменє о партнерским сотруднїцтве городох Печуй и Нового Саду заключене 8. януара 2002. року, а подписали го др Толер Ласло, городоначальнїк Печую и Борислав Новакович, предсидатель Скупштини Городу Нового Саду.

Економска черанка и проєкти, образовни програми, здравство, социялна защита, културни програми и манифестациї.

  • Ґомель, Билорусия

Грамота о братименю подписана 13. мая 2013. року, а подписали ю предсидатель Городского вивершного комитету Ґомелю Пйотр Алексеєвич Кириченко и городоначальнїк Нового Саду Милош Вучевич.

Город Нови Сад и Город Ґомель буду сотрудзовац у обласцох економиї, тарґовини, комуналних дїялносцох, туризма, физичней култури, образованя, здравства, култури и социялней политики, пре ефикаснєйше хаснованє иснуюцих технїчних, индустрийних и природних ресурсох и можлївосцох за черанку нових технолоґийох и науковотехнїчних искуствох.

  • Толука, Мексико

Грамота о братименю подписана 22. авґуста 2015. року у Новим Садзе. Подтписали ю городоначальнїк Нового Саду Милош Вучевич и городоначальнїк Городу Толука Браулио А. Алварез Хасо.

  • Куманово, Сиверна Македония

Спорозуменє о запровадзованю сотруднїцтва, як найвисши правни акт хтори можу подписац городи зоз Републики Сербиї зоз городами з иножемства, подписали городоначальнїки Нового Саду и Куманова, Милош Вучевич и Максим Димитриевски, 10. новембра 2019. року.

Сотруднїцтво ше запровадзує на основох ровноправносци двох приятельских народох зоз цильом унапредзеня дружтвеного и економского розвою. Город Нови Сад и Општина Куманово запровадзую сотруднїцтво у обласци култури, науки, образованя, туризма, спорта, як и у реализациї програмох и проєктох у обласци социялней защити, урбанизма и комуналней дїялносци.

  • Александрия, Арабска Република Єгипет

Спорозуменє о сотруднїцтве, як найвисши правни акт хтори можу подписац городи зоз Републики Сербиї зозгородами з иножемства, подписали городоначальнїк Нового Саду Милош Вучевич и ґувернер Александриї Мохамед Ел Шериф, 21. септембра 2021. року.

Заєднїцке сотруднїцтво ше витворює медзи Городом Александрию и Городом Новим Садом у черанки искуствох у тих обласцох: културне, уметнїцке и историйне нашлїдство, защита и очуванє животного штредку, образованє, здравствена защита и розвой туризма. Сотруднїцтво ше витворює и у росту инвестицийних нагодох у обидвох городох у контексту локалних правилох и їх одредбох, росту обтоку туристох медзи двома городами, стимулованю екотуризма, екотуристичних кампох и отримуюцого хаснованя природних ресурсох и черанки информацийох и схопносцох у польопривреди.

  • Восточне Сараєво, Република Сербска, Босна и Герцеґовина

Спорозуменє о сотруднїцтве, як найвисши правни акт хтори можу подписац городи зоз Републики Сербиї зозгородами з иножемства, подписали городоначальнїк Нового Саду Милош Вучевич и городоначальнїк Восточного Сараєва, Любиша Чосич, 29. септембра 2021. року.

Сотруднїцтво медзи Городом Новим Садом и Городом Восточне Сараєво ше снує на взаємносци и ровноправносци, маюци у оглядзе традиционалне и щире приятельство, зоз цильом унапредзеня и розвою партнерских одношеньох и институционалного сотруднїцтва.

Гoрод Нови Сад и Город Восточне Сараєво запровадзую сотруднїцтво у обласци привреди, польопривреди, култури и уметносци, образованя, спорту, туризма, як и у обласци защити животного штредку.

СПОРОЗУМЕНЯ

  • Медзиопштинске сотруднїцтво на уровню Балкана (Мрежа балканских городох)

Найвекши балкански городи: Спорозуменє о приятельстве, сотруднїцтве и розвою зоз цильом запровадзованя Мрежи балканских городох.

Дзвиганє капацитетох општинскей орґанизациї и управи, защита животного штредку, комунални инфраструктурни системи, просторне и урбанистичне планованє, образованє, явне превоженє и питанє транспорту, социялна защита, економски розвой, тарґовина и конкурентносц, здравство, саямски манифестациї и конференциї, виглєдованя и технолоґийни розвой, енерґия и индустрия, телекомуникациї и информативни технолоґиї.

  • Львов, Україна

Спорозуменє о партнерским сотруднїцтве: Економска черанка и проєкти, здравство, образовни програми, културни програми и манифестациї

  • Темишвар, Румуния; Сеґедин, Мадярска

Спорозуменє о сотруднїцтве: Спорозуменє о сотруднїцтве городох Сеґедину, Темишвару и Нового Саду подписане у Сеґедину 11. януара 2001. року, а подписали го др Бартха Ласло, городоначальнїк Сеґедину, Dr ing Georghe Ciuhandu, городоначальнїк Темишвару и Борислав Новакович, предсидатель Скупштини Городу Нового Саду.

Економска черанка и проєкти, комунални инфраструктурни системи, защита животного штредку, туризем, спорт, образовни програми, културни програми и манифестациї.

  • Улм, Союзна Република Нємецка

Спорозуменє о партнерским сотруднїцтве: Спорозуменє о партнерским сотруднїцтве городох Улм и Нового Саду заключене 6. юлия 2002. року, а подписали го Иво Ґонер, главни городоначальнїк Улму и Борислав Новакович, предсидатель Скупштини Городу Нового Саду.

Економска черанка и проєкти, комунални инфраструктурни системи, образовни програми, културни програми и манифестациї.

  • Ґетеборґ, Шведска

Спорозуменє о партнерским сотруднїцтве: Спорозуменє о партнерским сотруднїцтве Городу Нового Саду и Ґетеборґу заключене 7. юния 2002. року, а подписал го мр Бранислав Поморишки.

Дзвиганє капацитетох општинскей орґанизациї и управи, розвой транспорту и розвой локалней демократиї.

  • Осєк, Горватска,  Тузла, Босна и Герцеґовина

Спорозуменє о медзиетнїчним сотруднїцтве: Спорозуменє о медзиетнїчней толеранциї медзи Осєком, Тузлу и Новим Садом подписане у Тузли 21. фебруара 2002. року, а подписали го Златко Крамарич, городоначальнїк Осєку, Ясмин Имамович, городоначальнїк Тузли и Борислав Новакович, предсидатель Скупштини Городу Нового Саду.

Економска черанка и проєкти, дзвиганє капацитетох општинскей орґанизациї и управи, образовни програми, културни програми и манифестациї, унапредзенє медзиетнїчней толеранциї и витоворйованє правох и шлєбодох националних меншинох и етнїчних заєднїцох, уключованє до процесох еврореґионалного сотруднїцтва.

  • Нант, Французка

Конвенция о партнерстве: Конвенция о партнерстве медзи Городом Новим Садом и урбану заєднїцу Нант за розвой явного превоженя (11. юлия 2003. року).

  • Фрузенски район городу Санкт-Петербурґу, Русийска федерация

Протокол о намирох: Протокол о намирох медзи териториялну управу фрузенского админстративного району Санкт-Петербурґу, Русийска федерация и Скупштину Городу Нового Саду, составени 20. марца 2003. року, а подписали го Мария Щербакова, шеф Териториялней управи и Борислав Новакович, предсидатель Скупштини Городу Нового Саду.

Спорoзумeнє о сотруднїцтве: Спорозуменє о сотруднїцтве медзи администрациями Петрогородского району Санкт-Петербурґу и Нового Саду, подписане у Санкт-Петербурґу 12. мая 2005. року, а подписали го А. Делюкин, начальнїк администрациї Петрогородского району Санкт-Петербурґу и Мая Ґойкович, городоначальнїк Городу Нового Саду.

  • Баня Лука, Република Сербска, БиГ

Спорозуменє о партнерским сотруднїцтве: Спорозуменє о партнерским сотруднїцтве городох Нового Саду и Баня Луки подписане у Баня Луки, 24. марца 2006. року, а подписали го Драґолюб Давидовидич, городоначальнїк Баня Луки и Мая Ґойкович, городоначальнїк Городу Нового Саду.

  • Придружени член Асоцияциї городох „Eurocities“ (шедзиско у Бриселу)

Одлука о придруженим членстве городу Нового Саду ґу Асоцияциї городох „Eurocities“. Моцнєнє вязох медзи городами и промовованє медзинационалного сотруднїцтва през участвованє у проєктох Европскей униї.

  • Краснодар, Русийска Федерация

Инициятива-Одлука о запровадзованю сотруднїцтва: Шицки обласци живота и роботи за хтори обидва городи укажу заинтересованосц.

  • Орел, Русийска Федерация

Спорозуменє о запровадзованю сотруднїцтва: спорозуменє подписане 31. януара 2017. року, а подписали го городоначальнїк Городу Нового Саду, Милош Вучевич и начальнїк администрациї Городу Орелу, Василий Федорович Новиков.

Зоз тим спорозуменьом ше запровадзує сотруднїцтво зоз Городом Орелом, Русийска Федерация, на основохровноправносци, взаємного довирия и заєднїцких интересох.

Город Нови Сад и Город Орел буду сотрудзовац у обласцох економиї, науки, технїки, технолоґиї, туризма, образованя и култури и у других обласцох о хторих ше догваря.

  • Улм, Союзна Република Нємецка

Спорозуменє о запровадзованю сотруднїцтва: спорозуменє подписане 1. фебруара 2017. року, а подписали го городоначальнїк Нового Саду Милош Вучевич и городоначальнїк Улму Ґунтер Циш.

Зоз тим спорозуменьом Город Нови Сад запровадзує сотруднїцтво з Городом Улмом, на основох ровноправносци, взаємного довирия и заєднїцких интересох.

Город Нови Сад и Город Улм буду сотрудзовац у обласцох привреди, науки, туризма, инфраструктурних проєктох, спорту, образованя, култури и на реализациї проєктох Дунайскей стратеґиї Европскей униї, як члени Дунайскей реґиї.

  • Енґиєн ле Бен, Република Французка

Одлука о запровадзованю сотруднїцтва медзи Городом Новим Садом, Република Сербия и Городом Енґиєн ле Бен, Република Французка: Зоз тоту одлуку Город Нови Сад запровадзел сотруднїцтво зоз Городом Енґиєн ле Бен на основох взаємного довирия и ровноправносци, у сфери дїялносцох хтори од взаємного интересу за обидва народи. Город Нови Сад и Город Енґиєн ле Бен запровадза сотруднїцтво у обласци култури, економиї, образованя, еколоґиї, социялней политики, информацийних технолоґийох, туризма и спорту.

  • Сен Лу ла Форе, Република Французка

Одлука о запровадзованю сотруднїцтва медзи Городом Новим Садом, Република Сербия и Городом Сен Лу ла Форе, Република Французка: Зоз тоту одлуку Город Нови Сад запровадзел сотруднїцтво зоз Городом Сен Лу ла Форе на основох взаємного довирия и ровноправносци, у сфери дїялносцох хтори од взаємного интересу за обидва народи. Город Нови Сад и Город Сен Лу ла Форе запровадза сотруднїцтво у обласци култури, економиї, образованя, еколоґиї, социялней политики, информацийних технолоґийох, туризма и спорту.

  • Тавернї, Република Французка

Одлука о запровадзованю сотруднїцтва медзи Городом Новим Садом, Република Сербия и Городом Тавернї, Република Французка: Зоз тоту одлуку Город Нови Сад запровадзел сотруднїцтво зоз Городом Тавернї на основох взаємного довирия и ровноправносци, у сфери дїялносцох хтори од взаємного интересу за обидва народи. Город Нови Сад и Город Тавернї запровадза сотруднїцтво у обласци култури, економиї, образованя, еколоґиї, социялней политики, информацийних технолоґийох, туризма и спорту.